O Deportivo pecha a Liga celebrando o ascenso

Hai festa deportivista en cada recuncho da Coruña, algunhas especialmente multitudinarias. Circular polas aforas de Riazor é misión imposible. 

O bo tempo animou aos afeccionados a festexar na rúa a despedida dos oito anos de ausencia en primeira que se fixeron eternos.

A de hoxe é a continuación dunha celebración que xa comezou a semana pasada, tras a vitoria de Deportivo en Valladolid. Unha festa duplicada e sen sufrimento previo. 

Na Fan Zone instalada na explanada de Riazor tamén comezaron cedo con actividades para os nenos e música.

Á noite, a celebración polo ascenso trasládase a Fonte de Catro Camiños.