O Deportivo asalta o liderado

O Deportivo da Coruña durmiu este venres coma líder da segunda división despois  de golear o Huesca, 4-0, nun partido que dominou desde o inicio ata o final do mesmo. Antonio Hidalgo optou por dar continuidade ó equipo que goleou en Mendizorroza o Mirandés e os seus xogadores repetiron actuación.

Xa desde o inicio o Depor amosou a súa superioridade. Aproveitouse dun despexe cara a súa propia portería do oscense Carrillo para adiantarse no marcador e despois dese tanto apareceu a figura de David Mella. A calidade e explosividade do de Teo fixo co cadro herculino ampliara a súa distancia ata o 3-0 co que se chegou o descanso. Un Mella que despois deste partido ausentarase nas vindeiras citas ao ter que disputar o mundial sub 20 coa selección española.

Na segunda metade o Depor seguiu chegando á porteria aragonesa e sen conceder ocasións ao rival. E coa entrada do goleador Eddachouri sentenciaría o choque o culminar o holandés unha boa contra do cadro deportivista.

Tres puntos que fan o Depor durmir coma líderes da categoría á espera dos resultados que fagan os rivais esta fin de semana.