O Coruxo roza a excelencia no Helmántico (0-3)

O Coruxo segue a confirmarse como o mellor equipo arestora da Segunda Federación. Pasoulle por riba a un Salamanca que só puido aplaudir o fútbol que desenvolveron os vigueses. O tanto de Pablo Crespo antes do descanso aclarou moito a situación. Na segunda parte Mateo fixo o segundo ao pouco de comezar e Youssef anotou o terceiro. Xa non houbo posibilidade de reacción. A seguridade e confianza do Coruxo fixo o resto.