O Coruxo comeza a ver porta e sae do perigo

O Coruxo continúa coa súa escalada e gañou diante do Palencia por 3-1 demostrando que está a coller confianza diante da porta contraria, o seu principal lastre na primeira volta. 

Un temperán gol de Antón foi decisivo para gañar en tranquilidade. Xusto antes do descanso Chiqui marcaba o 2-0. O equipo dos irmáns Montes controlou o segundo tempo no que houbo poucas ocasións. Só nos últimos minutos se moveu o partido. Álvaro Gómez recurtou no 89 pero Silva sentenciou no 92. 

Desde o troco de adestrador o Coruxo leva sumados 10 puntos de 15 posibles.