O Compostela gaña cun polémico penalti no último minuto diante do Arousa

O Compostela impúxose por 2-1 diante do Arousa nun partido que tivo moita polémica. Foi moi protestado o gol do empate visitante por un posible empurrón de Luismi sobre Roque, que marcou en propia porta. E tamén houbo desconformidade na sinalización do penalti de Álex Cobo sobre Primo na última xogada do partido. Samu non o desaproveitou e marcou o 2-1 que volve meter na pelexa pola fase de ascenso a un Compostela que só gañara un partido en toda a segunda parte. O Arousa queda descolgado na pelexa pola salvación.