O Celta, o Deportivo e o Ourense C.F. agardan rival na Copa do Rei
A partir das 13:00 horas os equipos galegos coñecerán os seus rivais nos desaseisavos de final da Copa
O Ourense C.F. terá como rival a un dos catro equipos da Supercopa
O Deportivo medirase a unha Primeira División na rolda de dezaseisavos de final da Copa do Rei. Será a partido único, nun duelo que será o 16, o 17 ou o 18 de decembro. O sorteo está previsto para hoxe martes 9, á unha da tarde. Ese rival podería ser o Celta e sería no campo de Riazor.
Entre os condicionantes desaparece o criterio de proximidade xeográfica. Tan só haberá a limitación de emparellar aos equipos de inferior categoría cos de superior, mentres sexa posible.
Nesta rolda debutarán os catro equipos que xogarán en xaneiro a Supercopa de España. O Barcelona, o Real Madrid, o Atlético e o Athletic serán emparellados con catro conxuntos do fútbol non profesional. Dous deles serán o Ourense CF (clasificado a través de Cópaa Federación) e o Atlético Baleares (único sobrevivente de Segunda Federación).
