Cargando resultados...
O Celta fusiónase co Mos para a creación do equipo feminino
O Celta fusiónase co Mos para a creación do equipo feminino
Comezará a competir na Terceira Federación e terá categorías inferiores
O proxecto será presentado o vindeiro 9 de maio
G24.gal
04/05/2024 22:29
Unha das promesas coa chegada de Marian Mouriño á presidencia do Celta era a creación dun equipo feminino. O club vigués era dos poucos da Primeira División que non tiña representación na Liga F e iso rematará a vindeira temporada.
A entidade acaba de anunciar a fusión coa Unión Deportiva Mos os dous clubs quedan concentrados nun só que levará o nome de Celta e comezará a competir na Terceira Federación. Tamén terá equipos en categorías inferiores (infantil, cadete e filial).
Supón o nacemento dun novo proxecto no cadro celeste que será presentado en sociedade o vindeiro 9 de maio.