O Carballiño volve exaltar o polbo cunha tapa xigante de 600 quilos

Sen rival no corte do polbo, un ano máis a localidade ourensá do Carballiño volveu bater o seu propio récord do mundo tras elaborar unha tapa xigante con seiscentos quilos de polbo servida nun prato de madeira de piñeiro de 5,37 metros de diámetro.

Desde que en 2016 arrebatou o récord Guiness da tapa máis grande do mundo a Bilbao, tras picar 750 quilos, a localidade galega converteuse na meca de peregrinación para degustar o polbo.

Nesta ocasión, os polbeiros conseguiron deter o cronómetro en dez minutos. Un reto que cada ano conta cobra maior dificultade.

En comparación con 2024, este ano cortáronse dez quilos máis de polbo, ata alcanzar os 600. Lonxe quedan eses cen quilos que os polbeiros partiron na primeira edición, hai xa quince anos.

Para a elaboración da tapa, máis aló de partir o polbo, un bo condimento é fundamental: en total, máis de 54 litros de aceite, oito quilos de sal e algo máis de tres quilos de pemento doce e salgado.

O resultado son longas colas, unha vez culminada a tapa, para adquirir unha ración, que se vendeu por un prezo de sete euros, un prezo moi alcanzable, dado o prezo actual do polbo en calquera restaurante.

Jesús Pereira, polbeiro que atesoura unha longa tradición familiar, destaca a exquisitez deste manxar e a súa versatilidade.

"Non só consiste en cocelo e cortalo, senón que hai todo un traballo detrás", reivindica.

O domingo, a festa

Este acto terá continuidade este domingo, coa celebración da tradicional Festa do Polbo e a presenza dunha delegación italiana de Noventa Padovana, irmandada co Carballiño polo polbo.

"A Festa do Polbo é a maior festa gastronómica do noroeste peninsular, co polbo como protagonista, o que a converte nunha romaría única", sinala o concelleiro de Cultura, Diego Fernández.