O cambio no sentido da circulación nunha vía xera polémica en Cangas

Ata hai pouco, na rúa do Viñal, na parroquia canguesa do Hío, era posible circular nos dous sentidos da marcha. A decisión de prohibilo non foi ben recibida polo veciños, que agora teñen que dar un longo rodeo para chegar ás súas vivendas ou propiedades.

Os atascos e a inseguridade que provoca a estreiteza da vía están detrás da decisión do Concello de instaurar un único sentido de circulación. Porén, os veciños din que só sería preciso no verán, cando se producen os problemas pola grande afluencia de xente ás praias.

Só un pequeno tramo mantén o sentido único. Os veciños queren recuperalo en toda a vía, pero será complicado. Unha opción podería ser ensanchala, para o que sería necesaria a cesión de terreos.