O buque semisomerxible máis grande do mundo atraca na Coruña

Atracou no porto exterior da Coruña o buque semisomerxible máis grande do mundo. O Boka Vanguard ten capacidade para transportar ata 110 mil toneladas e mesmo ata un transatlántico.

Ten 275 metros de eslora e 70 de manga. Antes de partir vai cargar seis caixóns flotantes de formigón armado. Teñen 60 metros de longo, por case 30 de ancho e dez de calado.

Din desde a Autoridade Portuaria da Coruña que se trata dunha das operacións máis espectaculares a nivel visual en todo o sector naval.