O Breogán afronta un reto maiúsculo diante dun dos mellores equipos da Euroliga

Volve a Liga ACB e o equipo máis madrugador para xogar será o Rio Breogán. Os de Mrsic reciben a Baskonia no Pazo coa única dúbida de Justus Hollatz. O base xermano atravesa un proceso febril que lle fixo perder catro quilos nesta semana.

Con que si conta Mrsic é coa achega de Ethan Happ. O pivote debería chegar a tempo para medirse a Baskonia, o equipo revelación da Euroliga. O Breogán busca a sétima vitoria e sobre as festas de Nadal, di Mrsic que os seus xogadores se coidaron polo menos nos banquetes.