O brent chega case a 120 dólares, o seu máximo desde o inicio da guerra de Irán
Desde o inicio da guerra dos Estados Unidos e Israel en Irán, a finais do febreiro, o prezo do barril revalorizouse máis do 65%
O petróleo brent para entrega en xuño rexistra este mércores o seu máximo desde o inicio do conflito en Oriente Medio, ao situarse nos 119,76 dólares o barril, tras repuntar un 7,64%.
Desde as primeiras horas da mañá o prezo do barril cotizou á alza con repuntas que fixeron pasar ao cru do mar do Norte desde os 111,5 dólares ata este máximo rexistrado ao 17.04.
O prezo do petróleo de referencia en Europa encareceu nesta xornada 8,5 dólares.
Desde o inicio da guerra dos Estados Unidos e Israel en Irán, a finais do febreiro, o prezo do barril revalorizouse máis do 65%. No que vai de ano sobe preto do 97%.
O prezo do brent dispárase este mércores pola extensión do peche do estreito de Ormuz pese ao alto o fogo acordado polos Estados Unidos e Irán.
Esta tarde Irán ameazou cunha "acción militar sen precedentes" se Estados Unidos continúan coas intervencións dos seus buques en Ormuz.
Pola súa banda, o prezo do petróleo intermedio de Texas, de referencia para o país estadounidense, sobe un 7,21%, ata os 107,13 dólares.
