O Boiro Voleibol quere facer historia na Copa
O Boiro Voleibol quere facer historia na Copa
O Boiro certificou tamén a súa presenza no play off polo título de liga
Semana grande para o Boiro, que a días de disputar a Copa en Gran Canaria certificou a súa presenza no play off polo título de liga por primeira vez na súa historia. Todo, cinco xornadas antes de que remate a competición. Entraba dentro do esperado?
Marcelo Benavidez., adestrador do Rotogal Boiro: "Arrancamos para xogar play off, tivemos sorte de conseguilo cinco xornadas antes. Iso é un alivio porque xogaremos con menos presión. Igualmente queremos estar máis arriba"
Primeiro play off, con moito aínda por determinar, e segunda Copa. Este venres arrancan os cuartos. O ano pasado caeron xa na primeira fase co anfitrión, o Guaguas. Nesta edición mediranse co Almería, líder indiscutible da liga.
Mario Iglesias Caamaño, xogador do Rotogal Boiro "Almería o mellor da primeira volta. Eles favoritos, nós nada que perder. Imos dalo todo."
Favoritismos aparte, a sensación é que esta será unha copa igualada. E que polo tanto pode pasar calquera cousa.
📜 Pois quedou bo día para facer historia, ¿non?
— Boiro Voleibol (@BoiroVoleibol) February 25, 2022
💥 Ás 𝟮𝟬:𝟬𝟬 𝗵𝗼𝗿𝗮 𝗰𝗮𝗻𝗮𝗿𝗶𝗮, Unicaja Costa de Almería VS ROTOGAL Boiro nos 𝟭/𝟰 𝗱𝗲 𝗳𝗶𝗻𝗮𝗹 da Copa do Rei. Estamos con vós, equipo. Nunca deixedes de soñar!#ImosROTOGAL #CobreSanRafael #ConcelloDeBoiro pic.twitter.com/PbgratCP7Z
