O BNG insta a Xunta a convocar un gabinete de emerxencia sobre os incendios

A deputada do BNG Noa Presas recriminou este venres o "absentismo" do presidente da Xunta, Alfonso Rueda, a pesar da nova vaga de incendios que arrasan Galicia.

"Desde o BNG facémonos unha pregunta, onde está hoxe o Goberno galego? onde está o presidente da Xunta, onde está o señor Rueda ante esta situación?”, cuestionou Presas nunha conferencia de prensa despois de que o xefe do Executivo tivese o seu último acto público esta mesma semana.

A deputada nacionalista galega urxiu ao presidente do Executivo autonómico a abandonar a súa "actitude absentista e de brazos caídos" e a convocar "un gabinete de urxencia para activar máis medidas de prevención, vixilancia e extinción".

Presas sinalou que Galicia xa suma máis de 41.000 hectáreas queimadas por lumes en zonas forestais, o que na súa opinión evidencia que "o dispositivo non estaba preparado" e que "os labores de prevención non estaban adecuadamente desenvolvidas".