O Arenteiro rescata un valioso punto das instalacións de Tajonar

Valioso punto do Arenteiro no Tajonar ante o filial do Osasuna. Os de Javi Rey xa suman catro puntos logo de tres xornadas. O conxunto do Carballiño cargou moito o seu xogo de ataque pola banda dereita e froito desa insistencia chegaron as mellores oportunidades na primeira metade. Jordan e Alex Fernández gozaron delas. 

Miku tamén tivo unha boa ocasión, e entre Álex Fernández a Iván Ramos ameazaron con levar os tres puntos para Galicia. No treito final tamén avisou o Osasuna cun disparo de Osanbela que rexeitou Diego García.

Punto moi traballado para o Arenteiro que comeza a sacar réditos tamén como visitante.