Claudio: "Se alguén ten ganas de criticar, que me critique a min"

Claudio Giráldez, adestrador do Celta, coincidiu co seu homólogo do Málaga, Juan Francisco Funes, en que “o espectáculo” que ofreceron este domingo ambos os equipos sería “moito mellor” se o partido se xogase noutro horario.

“Encantaríame gañar para poder falar máis deste tema -non xogar con tanto calor- porque cando non gañas se falas destas cousas parece que é  unha escusa, unha queixa. Estou convencido que Iago non se lesionaría noutras circunstancias, estou convencido que Pablo -Durán- podería xogar o partido noutras circunstancias porque hoxe sufriu un golpe de calor”, criticou.

Neste sentido, dixo estar convencido de que noutro horario os afeccionados desfrutarían “moito máis” e o ambiente en Balaídos sería “outro moi distinto” porque nas bancadas os afeccionados tamén sufriron as altas temperaturas -catro seguidores do Celta tiveron que ser atendidos polos servizos médicos-.

Giráldez lamentou que o seu equipo non conseguise “matar” ao Málaga antes porque desfrutaron de “tres man a man co seu porteiro que puideron ser finalizados mellor”, e restou importancia a que sigan sen gañar porque “as cousas van terminar saíndo”.