O Arenteiro recibe o Barça B coa intención de romper a mala racha

Este sábado as 18:00 pódese ver na TVG2 o partido que enfronta o C. D. Arenteiro e ao Barcelona B.

Os galegos veñen nunha mala dinámica, con tres derrotas consecutivas que rebaixan a euforia do inicio de competición e achegan lixeiramente aos do Carballiño á zona baixa da táboa. O filial barcelonés pola súa parte, tamén chega nun período irregular, con catro xornadas sen gañar que o sitúan actualmente fóra dos postos de play off. Ambos clubs buscan romper esta dinámica no último encontro da primeira volta na competición.

Javi Rey, técnico dos galegos, amosou as intencións do seu equipo, ser protagonistas e tratar de quitarlle o balón aos cataláns.