O Anxo Carro pode ser clave na salvación do Lugo
Polo feudo lugués teñen que pasar o Ibiza o Rácing de Santander, a Ponferradina, o Tenerife e o Málaga
Quedan dezanove xornadas e son catro os puntos que afastan o Lugo da permanencia. Pero o equipo non transmite moitos sinais para o optimismo e na cidade amurallada comezan a soar os tambores da épica. Como adoita acontecer cando os números van en vermello, xa se escoita falar de finais.
O certo é que, se botamos unha ollada ao calendario, cabe concluir que o Anxo Carro ten moito que dicir sobre a sorte do equipo albivermello, que recibe na casa de aquí ao remate a todos os seus rivais directos. A do domingo, contra o Vilarreal B será só a primeira desas chamadas finais anticipadas.
Pero polo feudo lugués ha pasar a seguir o Ibiza en febreiro, e entre marzo e abril, consecutivamente o Rácing de Santander, a Ponferradina, o Tenerife e o Málaga. Son seis equipos mergullados a día de hoxe na loita pola permanecia. Á calor da súa xente, o Lugo acadou trece dos vinteún puntos que leva. Xa que logo, o Anxo Carro pode gardar esa chave que abra a porta da salvación.
