O alugueiro de vehículos dispárase ata agosto máis dun 20 %

O alugueiro de coches segue imparable. Os condutores foxen da compra e buscan outras fórmulas. 

Os clientes valoran a ausencia de ataduras e o aforro que supón pagar unha cota mensual sen preocuparse de nada máis. É unha opción que escollían tradicionalmente as empresas, pero nos últimos anos os particulares decántanse cada vez máis por esta modalidade.

Os contratos fanse xeralmente por períodos de entre 2 e 4 anos. As furgonetas seguen a ter un grande atractivo. Pero como novidade, solicítanse cada vez máis os coches eléctricos ou híbridos. 

O alugueiro mantén a súa liña ascendente e na actualidade supón xa unha de cada catro matriculacións.