O 2024 foi o terceiro ano máis cálido en España desde 1961

O 2024 foi un ano extremadamente cálido en toda España, cunha temperatura media de 15 graos na península e por riba de 18 nos dous arquipélagos.

Estes rexistros sitúano como o terceiro máis cálido desde 1961, só por detrás do 2022 e o 2023.

Segundo o informe anual da Aemet, tres meses foron os máis cálidos desde que hai rexistros: xaneiro, agosto e novembro.

A temperatura máxima, 43 graos e medio, rexistrouse na localidade sevillana de Morón de la Frontera, e a máis baixa en Soria, con menos 9,2 graos.

No seu conxunto, o ano pasado foi húmido en canto a precipitacións, agás no sueste peníonsular e as Canarias onde a precipitación media acumulada foi un 75 por cento inferior ao normal.

Houbo tamén varios episodios de precipitacións abundantes, a máis destacada a dina que afectou sobre todo a provincia de Valencia a finais de outubro e principios de novembro.