Interrompida a circulación ferroviaria entre Montefurado e Monforte de Lemos por un incendio
A circulación interrompeuse sobre as 08:00 horas da mañá deste martes e o primeiro tren que se viu afectado foi o de Ponferrada-Ourense
Recupérase a circulación entre Cerdido e Ponte Mera, correspondente á liña de ancho métrico entre Ferrol e Xixón, que se interrompera por desprendemento de terras
Operarios do Adif, nas inmediacións do túnel de Montefurado, en Quiroga (Carlos Castro-Europa Press)
A circulación ferroviaria entre Montefurado e Monforte de Lemos, do tramo León-Monforte de Lemos, está interrompida por un incendio con afectación á infraestrutura. Así o informou o Adif nun chío dende a súa conta de X.
⚠️Está interrumpida la circulación entre Montefurado y Monforte de Lemos, del tramo León-Monforte de Lemos, por un incendio con afectación a la infraestructura.
— INFOAdif (@InfoAdif) February 17, 2026
Segundo afirmou o Adif, o incendio produciuse nun túnel preto da infraestrutura. A circulación interrempeuse sobre as 08:00 horas da mañá deste martes e o primeiro tren que se viu afectado foi o de Ponferrada-Ourense. O convoi vai retroceder cara a Montefurado e os seus pasaxeiros serán trasladados por estrada.
A que xa se retomou, segundo Adif, é a circulación entre Cerdido e Ponte Mera, correspondente á liña de ancho métrico entre Ferrol e Xixón, que tivera que interromperse por desprendemento de terras.
A incidencia quedou solucionada pouco antes das cinco da tarde.
