Novo escándalo na Policía polos audios dun comisario acosando unha subordinada
En marzo de 2025 o Ministerio de Interior recibiu a denuncia da axente e o comisario De la Calle, que levaba catro anos destinado na India, foi destituido ao mes seguinte e suspendido de emprego e soldo
Os audios desvelados polo diario El País revelan condutas de maltrato laboral continuo por parte do comisario Emilio de la Calle cara unha funcionaria baixo o seu mando.
Nalgúns fragmentos o acoso laboral deriva en ameazas físicas e mesmo no recoñecemento de agresións xa cometidas.
En marzo de 2025 o Ministerio de Interior recibiu a denuncia da axente. O comisario De la Calle, que levaba catro anos destinado na India, foi destituido ao mes seguinte e suspendido de emprego e soldo.
Desde o sindicato Jupol, o maioritario na Policía Nacional, aseguran que xa en 2020 denunciaran as súas condutas cando De la Calle estaba á fronte da Xefatura Superior de Cataluña.
