Nova York imporá a vacina aos traballadores do sector privado

Nova York impoñerá a vacina contra a covid-19 aos traballadores do sector privado a partir do 27 de decembro, a primeira medida deste tipo que se toma no país, onde xa se detectaron os primeiros casos da variante ómicron do coronavirus. Afectará uns 184.000 negocios. 

De acordo coa nova orde municipal, a partir do 14 de decembro tamén será obrigatoria a vacina para todos os nenos maiores de 5 anos, e haberá que mostrar proba de vacinación en actividades escolares extracurriculares consideradas de "alto risco", como deportes, bandas de música ou danza. 

Para o 27 de decembro, ademais, todos os maiores de 12 anos terán que recibir as dúas doses da vacina para acceder ao interior de restaurantes, ximnasios e establecementos de entretemento. Ata o momento, pódese entrar recibindo unicamente a primeira das doses.