Nova York declara a emerxencia ante a nova variante da covid
O goberno federal suspendeu os voos desde o sur de África
Piden aos cidadáns que leven máscara e que se vacinen canto antes
Nova York declarou o estado de emerxencia ante a variante ómicron. O estado terá máis instrumentos para responder a un potencial aumento dos contaxios.
Nova York foi o primeiro estado de Estados Unidos en tomar medidas contra a variante aparecida no sur de África. A gobernadora, Kathy Hochul, declarou o estado de emerxencia. O cal lle permitirá aumentar as subministracións médicas e liberar espazo nos hospitais.
"Aínda non falamos de confinamento ou de limitar a afluencia nos establecementos", aseguran as autoridades.
A gobernadora anima aos habitantes a que leven máscara, vacínense e reciban a dose de reforzo, dispoñible para todos adultos. Ademais, o Goberno federal suspendeu os voos desde o sur de África, aínda que non descarta que a variante xa estivese en Estados Unidos.
