Norris gaña en Silverstone un Grande Premio marcador pola choiva
Alonso rematou no 8º posto e Sáinz no 12º
Primeiro podio para Hulkenberg logo de 239 carreiras
Saída do Gran Premio de Gran Bretaña, Silverstone. Xornada de tolos na que Verstappen arrancou desde a pole e na que cedo comprobamos que ía ser un día accidentado... Con Lawson e Bortoleto fóra da carreira... e na que Piastri era o piloto máis rápido.
Piastri adiantou a Verstappen e tomou o mando, con Norris por detrás. E nesas apareceu a chuvia. E con ela os cambios apresurados de rodas e os accidentes... Coa organización parando a carreira por exceso de auga. E con Piastri freando en seco como estratexia na resaida. Por esa manobra caéronlle dez segundos de sanción que lle serviron a Norris pra gaña-la carreira e acurtar distancia no mundial a oito puntos con Piastri. Un Piastri que acabou de segundo e Hulkenberg, co seu Sauber, terceiro. Primeiro podium pra el logo de 239 carreiras.
Alonso precipitou o último cambio de gomas e acabou de noveno e Sáinz foi decimosegundo.
