Noiteboa e Nadal, os 24 e 25 de decembro máis fríos desde 2010, segundo a Aemet
Temperaturas estables e posibilidade dalgunha choiva feble no norte de Galicia na Noiteboa
A primeira semana de Nadal é 2,1 ºC máis cálida que a mediados do século XX, indica a Axencia Estatal de Meteoroloxía
Estación de inverno de Manzaneda (Brais Lorenzo\EFE)
Noiteboa e Nadal serán os días máis fríos no conxunto de España para un 24 e 25 de decembro desde o ano 2010, segundo as previsións da Axencia Estatal de Meteoroloxía (Aemet).
O mes de decembro rexistrou, durante a maior parte do tempo, temperaturas superiores ás normais, tomando como referencia o período 1991-2020, pero, segundo a información da Aemet, no seu tramo final serán inferiores a esa media, o que dá lugar á primeira semana de Nadal máis frío desde o ano 2010.
Neste sentido, a axencia lembra que un comezo de Nadal tan frío como o deste 2025 non é habitual nos últimos anos e que cada vez será menos frecuente.
🎄🥶 Navidades frías | Tras un diciembre en general suave, el pasado fin de semana bajaron notablemente las temperaturas.
— AEMET (@AEMET_Esp) December 23, 2025
➡️Esta tiempo frío continuará en los próximos días, dando lugar a la primera semana de Navidad más fría desde el año 2010.
Sigue el hilo 🧵 pic.twitter.com/4sIX35stKO
"A primeira semana de Nadal é 2,1 ºC máis cálida que a mediados do século XX. Non é imposible, pero parece moi pouco probable vivir un Nadal tan frío como en 1962", sinalou a axencia nas súas redes sociais.
Este mércores estará marcado por unha situación de inestabilidade, con ceo anubrado e precipitacións en toda a península e nas Baleares, especialmente persistentes no Cantábrico e norte de Galicia e fortes en litorais de Alborán e o mar balear, que serán de neve en zonas de montaña por enriba dos 1.000 metros.
O día de Nadal producirase un descenso claro das temperaturas, inicialmente acusado no norte peninsular e que se irá desprazando cara ao oeste, todo iso debido á presenza dunha masa de aire frío e unha baixa ao oeste da península, sinalou a Aemet.
Unha ducia de capitais peninsulares, entre elas Madrid, non pasarán dos cinco graos. En Segovia e Lugo quedará en tres.
Choverá, quizais de forma persistente, no nordeste e nas Baleares. A choiva estenderanse a outras zonas do leste e do norte ao longo da xornada.
A pesar da advertencia deste episodio de intenso frío para os días do Nadal, por primeira vez en varios días, este mércores, a Aemet non anunciou ningún aviso meteorolóxico na súa páxina web para esta xornada en España.
Temperaturas estables e posibilidade dalgunha choiva feble no norte de Galicia en Noiteboa
Galicia quedará durante este mércores de Noiteboa baixo influencia anticiclónica, con circulación do nordeste, segundo o prognóstico de MeteoGalicia.
Con esta situación, espérase ceo con máis nubes canto máis ao norte, onde haberá posibilidade dalgunha choiva feble.
As temperaturas continuarán sen cambios.
O vento soprará do nordeste, moderado en xeral, con intervalos fortes no litoral noroeste.
Estas son as temperaturas mínimas e máximas previstas nas cidades:
Vigo 8°C-15°C
Santiago 5 °C-12 °C
Pontevedra 6 °C-15 °C
Ourense 5 °C-14 °C
Lugo 3 °C-9 °C
Ferrol 7 °C-12 °C
A Coruña 8 °C-12 °C
