Néganlle unha cervexa nun bar por moroso e regresa ao local cunha motoserra acesa

Un home ao que lle negaron unha cervexa nun bar de Marín por moroso saíu  do local e regresou cunha motoserra acesa.

O suposto agresor é un home de 53 anos. A actuación doutro cliente do bar foi clave para evitar unha desgraza. Logrou poñerse detrás do presunto atacante e desactivar a máquina.

Ao mesmo tempo, o camareiro pechou a porta do establecemento, protexendo o resto da clientela. A Policía Nacional investiga o caso como un asunto de ameazas.