Na área sanitaria de Vigo achéganse aos 2.600 casos activos

Na área sanitaria de Vigo achéganse aos 2.600 casos activos. Os cribados intensifícanse nos hospitais e na unidade móbil onde tamén acoden unha gran maioría de persoas que son contacto directo dun positivo e queren saír de dúbidas. 

Longas ringleiras que dan conta da evolución do virus nesta área que se achega aos 2.600 casos activos e que nesta xornada suma 224 contaxios novos.

O problema é que soben as hospitalizacións, hai 53 ingresados, cinco máis que onte e 14 persoas nas unidades de coidados intensivos. 

Desde a xerencia da área advirten que se a situación non mellora poderían comezar a suspenderse algunhas cirurxías. Por outra banda haberá que agardar uns días para coñecer o impacto da ponte festiva nunhas cifras que xa de por si preocupan.