Multiplicidade de propostas de Galicia nos Goya
Dous filmes na categoría de animación, catro actores e tres curtas, entre as opcións galegas aos 37 Premios Goya
As bestas, de Rodrigo Sorogoyen, á e gran favorita dos Premios Goya con 17 candidaturas. Tras dela, Modelo 77, de Alberto Rodríguez ten 16 finalistas e Alcarrás, de Carla Simón, e Cinco lobitos, de Alauda Ruíz de Azúa contan con 11 posibilidades de levar o Goya.
Polo filme de Sorogoyen, Luís Zahera e Diego Anido competirán na categoría de mellor actor de elenco. Luís Tosar e Javier Gutiérrez fano polo Goya a mellor actor protagonista por En los márgenes e Modelo 77, respectivamente.
Na animación, Galicia conta con dous filmes candidatos, Unicorn wars, de Alberto Vázquez, e Os demos de barro, de Nuno Beato. Tres curtas dirixidas por galegos poderían acadar premio tamén: Amanece la noche más larga, de Carlos Fernández de Vigo en animación; La entrega, de Pedro Díaz, en ficción; e Memoria, de Nerea Barros, en documental.
