Deteñen un home tras o falecemento doutro logo dun altercado de tráfico na A-55 en Mos
O suceso produciuse este domingo á tarde, e horas despois, tras a investigación por parte da Garda Civil, produciuse o arresto
A vítima, de 54 anos, foi trasladada con vida ao hospital, onde posteriormente faleceu
Un home de 54 anos morreu tras un altercado de tráfico na autovía A-55, en Mos, e a Garda Civil procedeu á detención doutro home en relación con ese falecemento.
Fontes do instituto armado confirmaron a EFE que este luns pola mañá procedeu a deter o implicado neste suceso, do que apenas transcenderon detalles.
Os feitos producíronse este domingo a primeira hora da tarde na A-55, na zona de Tameiga, en dirección Vigo.
Segundo fontes do 112 Galicia consultadas por Europa Press, foron varios os particulares os que alertaron solicitando a intervención das forzas da orde ao presenciar unha posible liorta entre ocupantes dous coches, que estaban na beiravía á altura do quilómetro 10 da vía.
Tras o incidente, a vítima foi trasladada aínda con vida ao hospital Álvaro Cunqueiro, onde acabou falecendo.
A Garda Civil investiga esta morte, e horas despois do suceso procedeu á detención. Porén, polo momento agardase o resultado da autopsia para concretar se a morte está directamente relacionada coa liorta entre os dous homes.
