Morre un bebé de 20 meses por un golpe de calor en Fuerteventura

Un bebé de 20 meses faleceu tras sufrir un golpe de calor en Fuerteventura durante a fin de semana, segundo confirmou a Consellería de Sanidade das Canarias. 

O menor foi atendido inicialmente no Hosptal de Fuerteventura e, posteriormente, trasladado ao Hospital Materno Infantil de Gran Canaria, onde morreu na madrugada do sábado ao domingo. 

O falecemento produciuse no marco do episodio de altas temperaturas que afecta ao aquipélago canario, con rexistros de ata 40 graos en distintos puntos das illas. As autoridades sanitarias notificaron o caso ao Ministerio de Sanidade como unha morte causada por un golpe de calor.