Morre a enfermeira acoitelada pola súa exparella en Castelló
O autor, xa detido, atacou a vitima no centro de saúde de Benicássim no que traballaba
EFE/Andreu Esteban
A muller de 64 anos apuñalada nun centro de saúde de Benicássim (Castelló) pola súa exparella, un home de 70 que foi xa detido, faleceu.
O suceso produciuse sobre as 12:30 horas nun centro de saúde no que traballaba a vítima como enfermeira, onde recibiu varias coiteladas presuntamente pola súa exparella cunha arma branca de grandes dimensións.
A muller foi atendida no lugar polos servizos sanitarios e foi trasladada por unha unidade do Servizo de Axuda Médica Urxente (SAMU) ao Hospital Xeral Universitario de Castelló, onde finalmente faleceu.
Desde a Garda Civil sinalouse que nin a vítima nin o presunto autor figuraban no sistema de seguimento integral nos casos de violencia de xénero (VioGén). De confirmarse este caso como un asasinato machista, serían 7 mulleres as vítimas mortais da violencia de xénero no que vai de ano, 1.350 desde 2003.
