Moncho Fernández: "Os tres últimos minutos foron desastrosos"

"Agasallámolos co partido". Así de contundente foi Moncho Fernández á hora de avaliar a derrota ante o Bilbao Basket. O primeiro que lamenta é non rachar o partido cando o equipo estaba con seis puntos de vantaxe e posesión no último cuarto. 

Pero o que máis amolou ao de Pontepedriña foi a mala xestión dos últimos tres minutos. "Foron desastrosos", comentou sen pelos na lingua. Tanto en defensa coma en ataque: "Non demos pechado o rebote defensivo e ofrecémoslles segundas oportunidades e a xestión dos tres últimos ataques foi moi mala".