Milei acusa a Sánchez de facilitar a chegada de "hordas estranxeiras" a España

O presidente da Arxentina, Javier Milei, cargou este xoves contra o presidente do Goberno de España, Pedro Sánchez, de quen dixo que "está máis sucio que unha papa", "rodeado de gentuza" e acusoulle de estar "a facilitar a inmigración descontrolada" e "achandando o camiño para as hordas estranxeiras que terminarán substituíndoos".

Durante a súa intervención en Santiago de Chile no Foro Madrid, a alianza internacional impulsada pola fundación española de extrema dereita Disenso, Milei referiuse a Sánchez como exemplo da esquerda europea á que "só lles interesa esparexer a súa ideoloxía para volver conquistar o poder sobre as arcas públicas para usalas como botín de guerra".

"Se non, vexan o que fai Pedrito en España -engadiu-. Está máis sucio que unha papa, e ben que se ofendeu el e toda a xentuza que o rodea, cando lle dixen que eran un goberno de ladróns e parece que os feitos o confirman".