Melania Rodríguez, campioa do mundo de dobre mini trampolín
A ximnasta de Ponteareas levou o ouro despois de realizar o salto de maior dificultade do concurso
A ximnasta de Ponteareas Melania Rodríguez proclamouse campioa do mundo de dobre mini trampolín logo dun espectacular salto de grande dificultade que executou á perfección. A galega, aos seus 24 anos, revalidou en Pamplona o título acadado hai dous anos na localidade inglesa de Birmingham.
¡SIN PALABRAS! Emociones a flor de piel 🤩🇪🇸🥇 #MelaniaRodríguez #WorldChampion pic.twitter.com/xridTVUcqT
— RFEGimnasia (@RFEGimnasia) November 8, 2025
Melania Rodríguez dominou a final de principio a fin. Primeiro executou un salto valorado en 27,6 puntos que a situou no primeiro posto. Na fase definitiva executou o salto de meirande dificultade (8,1 puntos) e foise ata os 26,7, igual que a rusa Galina Begin pero cunha dificultade superior. O podio completouno a británica Kirsty Way con 26.1 puntos.
Hablamos y nos emocionamos con Melania Rodríguez tras colgarse la medalla de ORO en el Campeonato del Mundo #TRAWorlds2025 🤩🕊️🇪🇸🥇 pic.twitter.com/0TjZZJz04G
— RFEGimnasia (@RFEGimnasia) November 8, 2025
É o segundo metal para Melania na cita de Pamplona despois do bronce acadado o venres na modalidade por equipos, en boa parte grazas ao seu gran concurso liderando o cadro español a carón de Marta López e Loreto Tuñón.
