Martín Ochoa estréase dándolle unha vitoria balsámica ao Deportivo
Despois de seis xornadas sen gañar, un gol do canteirán no minuto 7 deulle o segundo triunfo da temporada ao cadro deportivista
O Deportivo rachou a serie de seis xornadas sen gañar que o levara a postos de descenso. Gañou no campo do Sabadell por 0-1 cun gol do prometedor dianteiro rioxano Martín Ochoa. Unha das perlas da canteira que anotou goles en todas as categorías e que fixo o primeiro vestindo a camisola do primeiro equipo.
Non foi unha vitoria brillante dun Deportivo que se enfrontaba diante doutro equipo metido en problemas e que xa trocou de adestrador. Tampouco o gol temperán (minuto 7) lles serviu aos de Idiákez para acougar.
Pero, desta volta, o desenlace foi moi diferente ao dos outros partidos. O triunfo veu para A Coruña e un equipo que precisa remontar o voo canto antes si quere ter algunha opción de ascenso.
