Mariscadoras da área de Pontevedra e do Salnés terán un plan de prevención de disfuncións do solo pelviano

Tres consellerías presentaron hoxe un programa especifico para previr as disfuncións do solo pelviano das mariscadoras nas áreas sanitarias do Salnés e de Pontevedra.

Segundo informou a Xunta desde a cofradía de Raxó, trátase dun acordo entre as consellerías de Sanidade, Promoción do Emprego e Igualdade, e Mar.

Promoverase a participación neste programa entre as mariscadoras, que poderán asistir a charlas e obradoiros de prevención. Entre eles, tratatáranse estratexias de prevención para un uso acomodado das ferramentas e corrixir os erros de mecánica corporal no traballo.