Publicador de contidos

Máis de 2.000 persoas examináronse en Galicia das especialidades sanitarias

Máis de 2.000 persoas examináronse en Galicia das especialidades sanitarias

Ao MIR presentáronse 700 profesionais e 862 a enfermería

Exame de especialidade de enfermería en Santiago de Compostela
G24.gal 21/01/2023 21:08 Última actualización 21/01/2023 21:35

Máis de 2.000 aspirantes presentáronse en Galicia ás probas de formación sanitaria especializada este sábado. A maioría fixérono para optar ás especialidades de enfermería e medicina pero tamén se examinaron psicólogos, farmacéuticos, biólogos, químicos e físicos. A maior oferta, con 8.550 prazas, foi a de medicina. 

A primeira hora da tarde nas catro sedes habilitadas en Galicia para os exames das diferentes especialidades sanitarias comezaban a convocar os aspirantes que chegaban ata aquí despois de moitos meses de estudo, combinado en moitos casos con horarios de traballo e itinerancia nos centros sanitarios.

"Traballo por quendas, polo cal é máis duro, pero sempre se saca forma de facelo, de estudar e de conseguir o obxectivo".

"Tívenme que poñer en suspensión de chamamentos este ano por coidado dun familiar e entón estudei o resto do tempo que tiven libre. Moita outra xente ten que traballar e estudar ao mesmo tempo. Cada un ten as súas dificultades pero agora... ao que saia!".

Un total de 862 enfermeiras presentábanse en Santiago e Vigo a 1.961 prazas convocadas para todo o Estado. En total, había 7.889 persoas inscritas e tocaba ser a mellor de cada catro para poder elixir especialidade e destino.

Eu creo que o consigo. Quero matrona e está un pouco máis difícil, pero ben. E marcho a onde faga falla, non me importa porque se non acoutamos máis. Vou a onde sexa.

A praza á que vou é matrona pero comunitaria gústame, pediatría tamén. Vou ver, coa mente aberta.

No caso dos médicos en Galicia presentábanse ao MIR 700 candidatos, e en total en España 12.668. A maioría conseguirán unha especialidade nesta convocatoria na que saíron 8.550 prazas. Máis dun terzo delas son de medicina familiar e comunitaria, aínda que esta especialidade é das que menos demanda ten entre os médicos que se presentan.

Publicidade
Publicidade
Publicidade
Publicidade

Publicador de contidos