Madamas e galáns danzan no Entroido de Cobres

Saíron ás dez da mañá para percorrer durante horas as rúas de Cobres, pero a choiva, nalgúns momentos intensa, mudou os seus plans. Con todo, este Entroido, dos poucos en que non levan máscara, conseguiron levar a cabo a súa tradicional danza, en que participan un cento de persoas.

Comezou o sábado e prolongarase ata o martes, o día grande. A súa colorida vestimenta, feita á man, é toda unha tradición que pasa de pais a fillos.