Jorge Prado e Rubén Fernández, seleccionados para o Mundial das Nacións

Xa está definido o equipo que defenderá as cores de España na carreira máis importante do ano, o Motocrós das Nacións que, este ano, celebrarase no Redbud MX de USA a fin de semana do 24 e 25 de setembro.

Os tres pilotos seleccionados por Paco Rico fan soñar con lograr cousas moi importantes. Capitaneando á armada española, na categoría de MXGP, competirá o bicampión do Mundo de MX2 e piloto Factory GASGAS, Jorge Prado. En MXOpen estará Rubén Fernández, o piloto de Honda que tamén sabe o que é subir ao podio de MXGP este ano e que está a demostrar un altísimo nivel e magnífico estado de forma. E o terceiro piloto do equipo, que correrá na categoría de MX2, será o mozo de KTM, Guillem Farrés.