Jorge Prado correu en Trentino cunha fisura nunha vértebra

No Mundial de Motocrós, mal día para Jorge Prado, que correu en Trentino cunha fisura nunha vértebra. 
Caeu o martes adestrándose en Italia e daquela descartouse unha lesión grave. Ao persistir a dor, realizáronselle probas que confirmaron a lesión. Aínda así, disputou a carreira. Na primeira manga foi o oitavo despois de sufrir outra caída. Na segunda foi o décimo sétimo. Logrou o décimo terceiro posto nun gran premio que foi para Jeffrey Herlings. O holandés gañou as dúas mangas e consolida o liderado do Mundial.