Jon Rahm mantén as súas opcións no Aberto dos Estados Unidos

E a falta dunha xornada, Jon Rahm segue en boa situación para intentar revalidar o título no Aberto de Estados Unidos de Golf.

Logo dun terceiro percorrido moi complicado para todos, o de Barrika situouse de terceiro, cun total de tres baixo par, a só un golpe dos líderes, o británico Matt Fitzpatrick e o estadounidense Will Zalatoris. A loita polo título promete fortes emocións, con só nove xogadores por debaixo do par do difícil campo de Country Club.