Cargando resultados...
Italia obrigará os viaxeiros da UE a presentar un test covid
A orde estará en vigor desde o 16 de decembro ata o 31 de xaneiro
Os non vacinados terán que cumprir a maiores unha corentena de 5 días
G24.gal
14/12/2021 19:16
Italia vai reintroducir a obriga de presentar un test covid negativo a todos os viaxeiros procedentes de calquera país da Unión Europa. A medida farase efectiva o 16 de decembro e estará en vigor ata o 31 de xaneiro.
A orde do Ministerio de Sanidade italiano ten como obxectivo protexer o Nadal nun momento en que a pandemia está á alza no país con máis de 20.000 contaxios nas últimas 24 horas e 120 mortes.
Os non vacinados, ademáis de presentar o test, deberán cumprir unha corentena de 5 días.
