Investigan os disparos a dous autobuses de Monbus en Betanzos

Ataque vandálico a primeiras horas da mañá en Betanzos contra dous autobuses. Un deles acababa de saír dunha nave, nas inmediacións do parque Pablo Iglesias, para iniciar a súa ruta. Aínda non subira ningún pasaxeiro cando recibiu o impacto de varios disparos.

Foi unha agresión similar á que sufriu outro compañeiro cando circulaba, tamén sen viaxeiros, pola rúa de Saavedra Meneses, na contorna do polígono industrial. 

En ningún dos casos producíronse danos persoais e, segundo precisou a empresa, os condutores puideron continuar as súas primeiras rutas.

Todo apunta a que estes ataques se enmarcan dentro dun conflito laboral. Monbus xa presentou a pertinente denuncia perante a Garda Civil de Betanzos que se encarga agora da investigación destes feitos. A empresa asegura que non hai nigún conflito laboral. Admite que os disparos poden estar relacionados con algunha organización sindical pero cre que se trata dun "ataque illado de motivación descoñecida".