Investigan o atropelo mortal dunha muller no centro da Coruña

 A pescuda do atropelo dunha parella por un autobús urbano no centro da Coruña está en mans do xulgado.

 Trátase de saber se os peóns cruzaban polo paso de cebra e se, de ser así, se cruzaban co seu semáforo en verde ou en vermello.

Ou se foi o autobús, que tiña que parar e non parou. Esa zona da praza de Pontevedra está videovixiada e as cámaras poden ter a proba.

  As vítimas foron unha muller de 54 anos que morreu alí, no acto, e mais un home de sesenta que quedou ferido  pero xa recibiu a alta.

Os veciños da zona aínda están impactados.

O Concello da Coruña e maila compañía de tranvías expresaron publicamente as súas condolencias.