Investigados cinco menores por modificar fotos de mulleres con IA e difundir falsos espidos
Investigados cinco menores por modificar fotos de mulleres con IA e difundir falsos espidos
Hai confirmadas 17 vítimas, 13 delas menores
A voz de alarma dérona dous institutos de secundaria de Valencia
A Garda Civil investiga cinco menores por modificar fotos de mulleres e nenas con intelixencia artificial e difundir as imaxes delas completamente espidas.
Os menores obtiñan as fotografías das redes sociais e despois de manipulalas as difundían a través de grupos de mensaxería.
Hai confirmadas 17 vítimas, 13 delas menores. A voz de alarma dérona dous institutos de secundaria de Valencia.
Os cinco menores investigados están acusados dun presunto delito de revelación de segredos e o caso está xa en mans da fiscalía de menores de Valencia.
Non é o primeiro caso que transcende en España. En setembro do ano pasado 26 menores foron investigados por compartir fotos con falsos espidos de nenas na cidade estremeña de Almendralexo.
O caso mesmo chegou a Europa cando a nai dunha das vítimas interveu no Parlamento para intentar que a violencia sexual cometida a través da intelixencia artificial forme parte da axenda política.
