Arden tres colectores de lixo en Sanxenxo

Na fin de semana un incendio afectou varios colectores urbanos en pleno centro de Sanxenxo. Ata tres colectores do lixo quedaron completamente inutilizados tras o incendio que de madrugada se producía nesta céntrica rúa a carón do porto deportivo de Sanxenxo.

Agora xa foron repostos os colectores pero as lapas afectaron tamén un coche e unha motocicleta estacionados no lugar, e á instalación eléctrica e a un portal desta rúa Panadeira.

A policía investiga as causas deste lume que causou preocupación entre a veciñanza e que todo apunta a que foi provocado por un acto vandálico. Se o suceso non foi a máis foi pola rápida intervención da propia Policía Local de Sanxenxo e dos bombeiros de Pontevedra que acudiron a extinguir as lapas e arrefriar a zona.