Hai 597 usuarios contaxiados nas residencias de maiores e discapacitados de Galicia

Hai 597 usuarios contaxiados nos centros de atención a maiores e discapacitados de Galicia. A cifra é superior á de hai unha semana. Son 174 persoas máis as que están pasando a enfermidade. Delas, 555 están en residencias da terceira idade e 42 en centros de discapacitados.

A que acumula agora mesmo un maior número de infectados é a residencia Mi Casa de Ferrol. Segundo informa a Consellería de Política Social, a maioría dos contaxiados son asintomáticos ou teñen síntomas leves.