Gonzalo Rodríguez e Víctor Pérez seguirán ao carón de Moncho Fernández

Hai unhas semanas Moncho Fernández asinaba a renovación co Obradoiro, equipo co que vai cumprir a temporada número 14. Esta tarde anunciaron a renovación dos seus fieis escudeiros, cos que leva a carón desde que comezou o seu periplo no cadro santiagués. 

Os camiños de Fernández, Gonzalo Rodríguez e Víctor Pérez xuntáronse en 2010 cando foron reclamados para buscar o ascenso á ACB desde a LEB Ouro. Acadado o premio naquela primeira temporada o resto foi permanencia tras permanencia demostrando unha capacidade de traballo en equipo como poucos na historia do baloncesto español.