González Formoso evita referirse á presunta implicación de deputados galegos no caso Mediador
González Formoso evita referirse á presunta implicación de deputados galegos no caso Mediador
O secretario xeral do PSdG afirma que o partido ten tolerancia cero coa corrupción
O secretario xeral do PSdeG evitou referirse aos deputados socialistas galegos dos que fala o mediador. Valentín González Formoso asegurou que o seu partido ten tolerancia cero coa corrupción e mantén que o PSOE actuou con rapidez expulsando ao deputado canario.
O parlamentario galego do PSdeG Julio Torrado non cre que haxa socialistas galegos implicados na trama.
"Se os houbese, xa se coñecería", dixo Torrado.
O caso Mediador xorde dous meses antes das eleccións municipais, en que varios alcaldes xogan a reelección.
Inés Rey asegura que se debe investigar e se hai conduta delituosa, que se inicien os procedementos xudiciais.
No Partido Popular de Galicia apelan ao secretario xeral dos socialistas galegos. Pídenlle a Valentín González Formoso que abra unha investigación sobre a posible implicación de deputados galegos na trama Mediador.
